王家沙．花樣年華 (黃埔天地享膳坊)

营业中

休息中

心血来潮想食沪菜，突然间醒起好耐无食嘅王家沙，于是就去咗黄埔天地享饍坊嘅王家沙花样年华。・招牌蟹粉小笼包：食沪菜，当然唔少得小笼包啦。小笼包都有三种选择 （苏式鲜肉、招牌蟹粉、松露），我就拣咗最大路嘅招牌蟹粉小笼包。一笼有五只，只只都皮薄多汁，蟹粉肉馅又好新鲜juice。如果唔系点咗五、六道菜，点多一笼都仲得呀。・王家沙担担面：担担面系另一个我好中意食嘅经典沪菜。「王家沙」除咗传统嘅担担面，仲有红烧牛腩同黑毛猪扒可以选择。同小笼包一样，我都系拣返最大路嘅王家沙担担面。担担面保持住水准，好好食。但略嫌唔够辣，可以将辣度再稍稍提升就完美喇。・韭菜炒鳝糊：鳝肉有口感，而且鲜甜，加上韭黄独有嘅香味，令整道菜嘅鲜味提升不少。・鲜拆蟹粉扒豆苗：来自另一张点餐纸嘅菜式，应该系时令菜式嚟。鲜拆蟹粉加上蟹糕，同鲜嫩嘅豆苗炒埋一齐，𠮶一种嘅鲜甜蟹味，分外香口。・上海腌笃鲜：腌笃鲜是上海一种春季时令菜式，用冬笋、咸肉、豆腐皮结同鲜猪肉，置于文火上慢炖。「王家沙」将依道腌笃鲜做得好好，可以品尝到食材嘅原汁原味，无添加盐、味精等任何调料，全是食材的鲜味。・芝麻豆沙饼：十分脆口，饼皮唔会太厚。芝麻落得好足，所以好