影片
更多
2019-04-22
215 浏览
琴日见到朋友介绍观塘工厂区有间士多卖嘅急冻烧卖好好食，劲钟意食烧卖嘅我忍唔住今日收工就走去观塘买嚟试下～系间店舖见到有啲火锅食品突然撩起咗我条打边炉引，所以就即兴去醉翁亭打边炉啦～之前都食过一次，觉得性价比高，三百多元一位有海鲜又有好多选择任食～而且位置方便～系正APM隔离，打电话上去问即时有冇枱，侍应确定之后就上去了～一出lift全层都系佢嘅～门面招牌都十分亮眼~同其他任食火锅馆不同，醉翁亭室内很阔落～完全没有压迫感，一班人来打边炉也舒服呢今晚得二个人打边炉～所以无鸡煲做前菜～下次叫多啲朋友一起先～多啲人可以有鸡煲任食，之后先打边炉～更加丰富～来到当然选任食套餐，298一位每人有一份海鲜，一份手切牛～一份前菜，另外大量火锅配料任食，无酒精饮品任饮～加上无限时坐得又舒服～呢个价钱真系性价比高原来佢仲有做优惠，符合以上条件仲可以平多$30，变相有9折～真系几抵！下单之后侍应先上一份是日前菜～蚝皇炆花胶估唔到前菜都咁有惊喜，花胶仲要系大大块，呢味𩠌成本都唔少～二人竟然都有三大块花胶～花胶用料唔错，食落口几弹牙而且加埋炆咗好耐嘅冬菇汁味～大大加分呢～餐前放题小食侍应见我哋冇行出去～好心提示我
之前都食过一次，觉得性价比高，三百多元一位有海鲜又有好多选择任食～而且位置方便～系正APM隔离，打电话上去问即时有冇枱，侍应确定之后就上去了～
一出lift全层都系佢嘅～门面招牌都十分亮眼~
同其他任食火锅馆不同，醉翁亭室内很阔落～完全没有压迫感，一班人来打边炉也舒服呢
今晚得二个人打边炉～所以无鸡煲做前菜～下次叫多啲朋友一起先～多啲人可以有鸡煲任食，之后先打边炉～更加丰富～
来到当然选任食套餐，298一位每人有一份海鲜，一份手切牛～一份前菜，另外大量火锅配料任食，无酒精饮品任饮～加上无限时坐得又舒服～呢个价钱真系性价比高
原来佢仲有做优惠，符合以上条件仲可以平多$30，变相有9折～真系几抵！
下单之后侍应先上一份是日前菜～
蚝皇炆花胶
估唔到前菜都咁有惊喜，花胶仲要系大大块，呢味𩠌成本都唔少～二人竟然都有三大块花胶～花胶用料唔错，食落口几弹牙而且加埋炆咗好耐嘅冬菇汁味～大大加分呢～
餐前放题小食
侍应见我哋冇行出去～好心提示我哋仲可以出去自己拎餐前小食～同埋嘢饮！原来仲有餐前小食任食真系估佢唔到
今日餐前小食有炸三文鱼扒，白云凤爪，不过因为惊自己太饱食唔落所以我都系望一下好了～
饮品也是任喝，种类也不少，有甜的也有乌龙茶，适合各人口味～
冬瓜瑶柱汤底
非常清甜嘅汤底，平时试得龙味汤底比较多，今次就试下清甜一些～话晒呢度都出名用料靓～靓料的话清汤更可以食到鲜味呢！
海鲜拼盘呢个海鲜拼盘系根据果日有啲咩靓海鲜而选比客人，有一点似师傅发板嘅概念～今晚都有唔少海鲜～有大大只蛏子，青口，鲩鱼腩，鲜虾，带子，桂花蚌～二个人份量来说绝对够多！
本地手切牛颈脊同刺身拼盘
呢度会因应你几多位而比相应份量嘅刺身你，食火锅又有海鲜又有刺身简直系双重享受～三文鱼肥美鲜嫩北寄贝爽口弹牙～希灵鱼一啲都唔腥仲有墨鱼都好新鲜弹牙～
个手切牛颈脊入口鲜嫩味美，牛味十分浓郁～食咗呢碟真系返唔到转头～加上清甜嘅上汤～唔驶点任何酱料都已经好好味
另外都点咗多款唔同配料～个水饺皇超级足料，有好多只鲜虾系里面～另外响铃非常脆口！猪润鲜甜，本地肥牛可以任点但系质素都唔差，牛味都几浓架！韭菜饺都皮薄馅靓，唔会话个皮太厚好难整熟，其实仲有好多款配料可以任点，不过食完本身啲海鲜已经好饱，2个人食完呢一轮都好饱啦！
不得不提呢个一墨鱼滑加虾滑，任食都可以点呢个滑实在性价比高，二个滑都好新鲜爽口弹牙！
我哋仲加点咗二个啤酒降吓火，咁多嘢食都系每人三百多，而且侍应服务态度都好好，座位又舒适阔落，去观塘值得推荐～
张贴
