2DP (已結業)

依间舖头经过好多次，都好想试下，今次终于试到啦！唔系失望反而有惊喜。以我所知依间素食餐厅成日都推出唔同嘅新野，价钱嚟讲食晚餐会化算啲。反而午餐就觉得贵咗少少。泡菜烟肉卡邦尼意粉：有惊喜，因为个汁调教得十分适中，有浓浓嘅卡邦尼味道。泡菜汁亦十分突出，发挥到开胃作用，唔会令人食完觉得好漏嘅感觉。唯独以为有泡菜系入面，同埋佢哋用咗系我唔中意嘅扁意粉。总括意粉大力吸收到泡菜同卡邦尼汁，所以扁意粉食落无咁介意。蕃茄水牛芝士薄饼：惊喜在于用「薄饼」。薄饼都整得好松脆，水牛芝士完全发挥到主角嘅作用，十分有水准。至于黑松露薯条及沙嗲素鸡串就普通咗啲。炸物来说始终唔系佢哋强项。薯条就太过干身，沙嗲鸡串比较油。总括而言，主菜系唔错，小食就普通啲，未试过佢哋嘅饮品。