嘉豐點心專門店

营业中

休息中

我好钟意食依啲茶楼仔，因为无一般酒楼咁嘈，价钱仲平啲，每位茶位都系两蚊，不过张枱就细咗少少啰。但系唔紧要，最紧要干净同好食啫。凤爪排骨饭系我至爱，其实我净系钟意食啲饭加甜豉油，啲𩠌系咩其实无所谓，$19一个迷你煲仔，真系几好，最贴心系服务员成樽豉油放喺度俾我任落，哈哈！跟住讲下姜葱牛栢叶，佢都系我飞弗嚟嫁，份量都几多，仲有啲白萝卜垫底，唔错唔错。豉汁蒸凤爪，系饮茶必叫嘅点心，$15扺食啦，味道都相当唔错嫁。潮州粉果$13，原本呢，佢嘅味道好好嫁，好少花生（因为我唔钟意啲花生嫁），不过佢个水晶皮一夹就烂咗喇，有啲失败啰。饮茶点少得蒸肠粉嫁，虾肠都系$18，虽然啲虾比较细只，不过佢层肠粉皮都做得唔错，几烟韧几滑。蟹子烧卖皇$19，不过我唔系几钟意，因为唔够实净，感觉好肥猪肉。奶王马拉糕$15，热辣辣，软绵绵，如果多啲奶王味会好啲啰。鲜虾腐皮卷，点可以唔食炸野嫁，三大条，有六件，脆卜卜，好味道。依加付上餐单，等大家拣定食咩点心啦。我就住喺九龙城嘅，一直以嚟都食开另一间茶楼仔嘅，依加有多个选择lu，最喜欢就系依啲茶楼仔通常都好夜先收门，口痕入去食几样又得，当正餐又得。我今次食咗几款点心咋，下次