祥勝茶餐廳 (已結業)

星期六晚上唔煮饭但又好想食茶餐厅，好挂住个鸭腿汤饭，之前食过，所以来再食但今晚无，话只系日头先有得卖，果次食好好食，大大只鸭腿，汤头无咩油，热辣辣，饭系分开上的，超有水准！今时今日唔系度度有鸭腿汤饭食，就算有都系超油的，唔会分开饭上，汤都唔会系热辣辣的，因为无得卖所以叫左个芙蓉蛋饭同罗汉斋干炒伊面，个芙蓉蛋饭一到，我超开心，因为好耐无食过芙蓉蛋入面有芽菜，叉烧，火腿丝，苟黄等甘多料，再加上蛋唔系煎到熟透果只，仲有最重要既甜豉油（上次我系某间食无豉油系面，我问伙记比我既系美极咯）所以呢个芙蓉蛋饭超有水准，我地两个人都好认同！跟住再来个炒伊面，好食，唔油又唔干！好入味！茶餐厅可以做到甘既价钱，又唔求其煮，我会再光顾！唔怪得知可以做到甘多年啦！值得一试！