魚心日本料理 (已結業)

跟女友行經未食飯試之，入內見很多食客抬頭望，兩眼似有冤情要訴。坐下，茶是涼的，餐牌污穢得有點不想掂，環境似內地小店。點餐，希靈魚壽司一客，散收收，冇味，似解凍後浸住水，油甘魚壽司一客，唔新鮮肉有筋，槍鱿魚壽司一客，似用水洗完，冇味，唔知食咗舊咩，另有燒牛舌一客，牛舌差，燒得熟過頭，硬，冇味，是我食過最難食的一間，燒年糕一客，是有水準的差，外層硬如咬膠，內裡可微暖不熱，最後只有牛油焗金菇可下口，但冇牛油味，簡單得只比燒烤更難食，無話可說。食完即走，就連消費滿一百元可廿八蚊點三文魚半磅，也不想浪費廿八蚊，埋單共銀$144，blacklist