影片
更多
2011-08-18
14 浏览
系友人介绍呢到，面包曲奇蛋糕都有卖，都好多款式，食过印象都好唔错，有时既早餐同有时既下午茶都会帮衬下，实在太懒，一两件就唔多想分享，不过backup既时候睇返d相，原来都食左好几款野，难得揾返出黎又分享下都好。蝴蝶酥，应该系第一次买既一款，size较小，不过食落好松脆，硬度跟四重奏的差不多，整体就偏向甜甜的，不过我ok，好似系$4x 一筒，都几抵食，不过近呢几个月去，都冇得买，唔知系冇再整定点，不过真系几好味，希望店方出番。4 mix 曲奇，有牛油咖啡朱古力同绿茶味。曲奇质感系腍身的，可能个人都系钟意较为脆身既曲奇，这里的就唔系太合我心水。味方面，牛油系最好，牛油味够出，又唔会好溜。杏仁条，好脆身，食落有淡淡杏仁味，而每条上面都真系有一块块既杏仁片，都几好食。芝士条，卖相真系麻麻地，好似树枝咁，硬硬地，似饼干多过似芝士条，芝士味唔太出同埋咸咸地，我就唔系几钟意啦。竹炭什果卷，第一次食竹炭既产品，食落好似咬紧毛巾，质地怪怪的，仲有好似沙咁，唔好食又唔系，我都觉得未食过既要试下，卷入面既什果系罐头货，用上好一点既生果效果会更好。细芝士蛋糕，个蛋糕几实净，不过唔系硬果只实，芝士味几强，几有惊
蝴蝶酥，应该系第一次买既一款，size较小，不过食落好松脆，硬度跟四重奏的差不多，整体就偏向甜甜的，不过我ok，好似系$4x 一筒，都几抵食，不过近呢几个月去，都冇得买，唔知系冇再整定点，不过真系几好味，希望店方出番。
4 mix 曲奇，有牛油咖啡朱古力同绿茶味。曲奇质感系腍身的，可能个人都系钟意较为脆身既曲奇，这里的就唔系太合我心水。味方面，牛油系最好，牛油味够出，又唔会好溜。
杏仁条，好脆身，食落有淡淡杏仁味，而每条上面都真系有一块块既杏仁片，都几好食。
芝士条，卖相真系麻麻地，好似树枝咁，硬硬地，似饼干多过似芝士条，芝士味唔太出同埋咸咸地，我就唔系几钟意啦。
竹炭什果卷，第一次食竹炭既产品，食落好似咬紧毛巾，质地怪怪的，仲有好似沙咁，唔好食又唔系，我都觉得未食过既要试下，卷入面既什果系罐头货，用上好一点既生果效果会更好。
细芝士蛋糕，个蛋糕几实净，不过唔系硬果只实，芝士味几强，几有惊喜的一款，下午茶同早餐都岩食，很不错。
蛋挞，下午茶首选，系街市果间先有得买，曲奇皮，够松脆，如果佢d曲奇有咁松脆就好啦，蛋味未算浓郁，不过都系可以的，整体都系收货，好似$3.5一只，好ok啦。另一样好系够大只，同区卖到出哂名果间又加价又缩水，虽然好食，不过我真系接受唔到law。
鸡批，下午茶次选，鸡批印象中做得好既系坛岛，皮好馅料都好。呢到皮就唔错，馅料有点失色，唔知系咪因为店方走健康路线既关系。
牛角酥，个包够酥，亦够软身，面头有少少杏仁粉，多种味，都几唔错。
其实仲试左唔少包类同松饼，水准都系好唔错。系商业区，连锁式总有一间系左近，呢类有水准既小店实在难得，经过的试过好真系值得继续支持下。
张贴
