巴希雅海灣重慶燒烤

营业中

休息中

趁住放假约埋朋友去大尾笃踩单车同龙尾滩散下步。中午打算去位于龙尾滩对面既巴希雅海湾重庆烧烤食烧烤。我哋三点钟入场，见到已经有好多人烧紧嘢食。见到个环境空旷优美，有种假日渡假嘅感觉。职员好贴心态度好好，会问我哋有冇之前食过，知道我哋冇食过就同我哋讲解场地嘅设施。一坐低店员会先上炭炉，我哋可以用卡去换领一盒海鲜、金针菇同埋饮品。食物种类好多，肉类有羊架、牛肋骨、牛肉串、鸡翼、鸡肾等⋯有我最喜爱嘅鸡软骨。海鲜方面就有鲭鱼、青口、虾、多春鱼、鱿鱼等⋯另外亦都有唔同款式嘅丸类同肠类选择。另外亦有少量熟食，例如烧卖同咖喱鱼蛋，旁边放住既蒜蓉包亦都可以烧嚟食。估唔到烧烤都有咁多款蔬菜选择，个人非常推荐原条茄子。最后食埋套餐包埋嘅菠萝同香蕉做甜品，问过店员先知原来条香蕉可以烧熟之后出去比店员加朱古力酱或焦糖酱一齐食，觉得好特别。我觉得任食三小时，时间好充裕，成班朋友可以一边烧下嘢食，一边倾下计，唔需要因为急住还台而食到好急，而且食完唔会成身炭烧味，我同朋友都觉得下次再入大尾笃，一定会去再食过。