岳飛餐室 (已結業)

去完九展, 返过尖咀, 朋友问我想食咩, 我话鹅肝, 就呢度.虽然话餐厅庆祝四周年, 话叫al carte上菜会有唔知八折定八五折优惠, 不过我地都冇立个al carte menu, 叫set dinner, 有starter, main course, dessert 同coffee or tea. Starter 有四款, 我地当然要鹅肝啦, 而鹅肝亦系唯一一个starter要加钱. 呢个头盘系香煎鹅肝伴石榴沙律, 招牌系鹅肝, 水准亦有番咁上下. 鹅肝唔算膻, 都叫外脆内软, 但略嫌唔够滑. 石榴沙律清甜开胃, 解腻, 但只系零星咁洒系碟边, 唔够喉. Main course我要露丝马利烤嫩羊扒, 羊扒的确几嫩, 几膻, 点薄荷酱同芥末酱, 好正. 至于朋友个烧牛柳我反而觉得麻麻, 但都系肉汁丰富....甜品方面, 我地冇另外系al carte 上叫, 只系睇佢地是晚甜品车上有咩就叫咩, 我食cheese cake, 味道一般.呢度服务好好, 我次次都未试过有位俾我"弹". 而环境虽然唔系靘到哗哗声咁, 但胜在坐得舒服, 我地亦由七点几坐到十点几先埋单走人, 又系一个倾计好地方!