西貢松記車仔麵

营业中

休息中

今日晚上去左西贡码头揾嘢食，见到泰国餐厅但又唔系咁想食因为已经成日食泰国嘢，所以最后就拣咗呢间车仔面嚟试下。餐厅有好多唔同嘅特色招牌粉面俾你拣，又可以散叫自己点𩠌又得，之后我叫咗一个年年好运面。落左单之后自己就可以走去揾位坐喇，𠮶日系闲日所以都唔洗等位，坐左一阵就有职员为你送上碗面服务几好。汤底就清清地唔会太浓，唔洗点饮水可见餐厅无落太多味精。牛腩整得几好唔错，唔韧唔黐牙，牛筋又整得几淋，牛肚几爽口。整体黎讲虽然价钱系贵左少少，但食物质素，环境服务同餐厅干净度已经令我会再帮衬。