影片
更多
2020-04-25
46 浏览
依家出街食嘢都唔平，有时就算价钱唔平，食物质素都系一般。今日喺大角咀试到呢间小店，价钱唔贵，但系睇得出餐厅用心制作，食物有水准，推介。主菜加$15有沙律/汤、饮品及甜品🍮加$20就有齐汤、沙律🥗 饮品及甜品沙律好足料，有烟三文鱼、沙律菜、蕃茄、苹果等等。是日汤系紫椰菜汤，汤睇得出系餐厅自己整，唔会太稀亦唔会太「杰」，味道唔错，卖相都几靓。而且仲附上芝士烟肉面包条，餐厅仲整热咗，非常用心。小食叫咗蜜糖芥末炸鸡翼，炸鸡翼皮有啲似炸鱼薯条嘅炸鱼皮，但系又出奇地炸得好香好食！点埋个蜜糖芥末酱，真系好夹。主菜：虎虾日本樱花虾意粉虎虾好大只，而且好爽口，烤得几香。意粉有好多日本樱花虾，令到意粉够鲜味。意粉系幼身，食落口感唔错。比目鱼摆盘几靓，鱼外皮煎得好脆，鱼肉够林，食落几香口。配菜仲有BB芦笋、翠玉瓜等等。套餐包饮品叫咗个姜味汽水。另外见到套餐升级特饮有优惠，加$8就可转朱古力latte。甜品可拣雪糕或布甸。拣咗朱古力雪糕及伯爵茶布甸。朱古力味雪糕够香浓，而布甸嘅伯爵茶味亦都有茶香加奶味。呢个价钱有咁嘅食物质素，而且仲整得咁靓，睇得出小店非常之用心，值得去食！
今日喺大角咀试到呢间小店，价钱唔贵，但系睇得出餐厅用心制作，食物有水准，推介。
主菜加$15有沙律/汤、饮品及甜品🍮
加$20就有齐汤、沙律🥗 饮品及甜品
沙律好足料，有烟三文鱼、沙律菜、蕃茄、苹果等等。
是日汤系紫椰菜汤，汤睇得出系餐厅自己整，唔会太稀亦唔会太「杰」，味道唔错，卖相都几靓。而且仲附上芝士烟肉面包条，餐厅仲整热咗，非常用心。
小食叫咗蜜糖芥末炸鸡翼，炸鸡翼皮有啲似炸鱼薯条嘅炸鱼皮，但系又出奇地炸得好香好食！点埋个蜜糖芥末酱，真系好夹。
主菜：虎虾日本樱花虾意粉
虎虾好大只，而且好爽口，烤得几香。意粉有好多日本樱花虾，令到意粉够鲜味。意粉系幼身，食落口感唔错。
比目鱼摆盘几靓，鱼外皮煎得好脆，鱼肉够林，食落几香口。配菜仲有BB芦笋、翠玉瓜等等。
套餐包饮品叫咗个姜味汽水。
另外见到套餐升级特饮有优惠，加$8就可转朱古力latte。
甜品可拣雪糕或布甸。拣咗朱古力雪糕及伯爵茶布甸。朱古力味雪糕够香浓，而布甸嘅伯爵茶味亦都有茶香加奶味。
呢个价钱有咁嘅食物质素，而且仲整得咁靓，睇得出小店非常之用心，值得去食！
张贴
