Next Station Dessert (已結業)

去黑布街，又点可以少咗甜品，或者应该话甜品先系主角。本来无谂住咁快食呢间，点知原来佢哋呢个月庆祝紧两周年纪念，各款心太软半价！半价㖞！仲唔啦啦声入去食。呢间就真系名符其实嘞，佢啲甜品真系几好食，又唔算太甜，唔错唔错～而且好有诚意，识得出系有心机，有质素嘅。因为心太软半价，所以好唔客气咁叫咗3个甜品。紫薯waffle，系3样之中我最钟意嘅，唔太甜，而且非常香，未食已经闻到好香嘅窝夫味。紫薯其实本身个味唔特出，所以坊间嘅甜品都会整到佢好甜，呢度就冇啦，保留返紫薯本身淡淡嘅味道，成件事好rustic。再配埋朱古力酱同糖浆，真系好好味。我自己就钟意食糖浆多啲。芝士挞，其实都系贪佢15蚊，所以叫咗个，不过味道就麻麻，芝士味浓到我觉得臭，所以唔系好enjoy。心太软又系好正，仲要半价，所以更正！呢个系培茶心太软配金莎雪糕。浓浓嘅茶味，不过就有少少甜，但系茶味好够，蛋糕非常松软，火候控制得非常好，非常之流心。金莎雪糕真系好金莎味，唔系得个名，就算配埋蛋糕食，都食得出培茶同金莎嘅味，而且两者几夹。呢度嘅甜品真系唔错，我一定会再去食埋其他嘢！