新牛屋餐廳 (已結業)

细个屋企人都有带过我黎呢间喺佐敦道既扒房， 估唔到 喺依家嘅香港社会 咁贵嘅租金，以佢餐牌嘅价钱，佢都仲可以屹立不到继续生存。而且佢啲晚餐仲有好多款式供你选择，除咗晚餐仲有好多小食可以拣添。点咗个85蚊嘅黑椒惑仔牛柳套餐，有汤有餐包跟埋，几十蚊有个扒食 真系超级抵。个罗宋汤都几足料不过稍为肥咗少少。个餐包真系值得一赞， 焗到脆卜卜热辣辣 中间中已经帮你加埋牛油， 好好味呀!个餐跟咗意粉， 都好大碟下，牛柳有两大块意粉一大份， 包你食完一定饱。虽然话几十蚊个扒餐，但系佢个 镬仔牛柳 质素一啲都唔会差， 够晒腍， 仲好香牛味添。