唐三樓Cafe (已結業)

星期五晚上同3个朋友上咗间人哋介绍嘅cafe，一开门见到间店唔系好大，约有30几个位，但经已有大半坐满，好彩订咗位。坐落叫咗两个set dinner，一个系三文鱼意大利云吞，一个系牛油什菌意粉，仲点咗四杯特饮- 黄金侠& 莓子乐园等。人多关系，我哋等咗30分钟先有嘢食，真系好肚饿，我哋鲸吞个意大利云吞，咦！有啲水准㖞！三文鱼系烟嘅，都算大块同埋几新鲜，意大利云吞就有8，9粒，睇落唔系好大份，可能啲饀料系芝士同菠菜嘅関系，越食越有饱肚嘅感觉，啲汁好香仲有鲜磨菇！好正！60几蚊个set仲包杯drinks，算抵食啦！仲有个牛油什菌意粉好香蒜味及牛油味，意粉都几弹牙，平曰食得多肉食吓素都几好。越食越有劲，仲order咗个超级德国肠拚盘&甜蜜蜜鸡翼，啲肠好juicy，鸡翼焗得脆脆哋，好似烧鸡翼咁！全部食哂，食得饱饱，每位都系80几咋！4人一行hea咗3个钟，啲位都算好坐仲有法文歌听！唯一缺点系啲嘢食等得耐咗啲，但如果唔等时间嘅话都冇所谓嘅！店主话weekday少啲人，我哋谂住揾个星期二再嚟试吓homemade cake & cookies，仲可以打埋NDS！