The Mafe Cafe (已結業)

有朋友介绍你呢间Cafe坐低食嘢饮野加吹水，上到嚟其实餐厅都几多人，所以我谂啲嘢食都应该有返咁上下水准。👍🏻👍🏻👍🏻👍🏻呢个就系佢哋今日嘅晚餐Menu，我地就叫左忌廉烟三文鱼配天使面，蒜香鸡翼，同埋炸芝士条，因为我哋两个唔系话太肚饿，所以就叫咗少少嘢食坐低食下倾吓计。佢哋嘅嘢饮种类繁多，基本上可以话要乜有乜，而且有一啲特色饮品可以俾你选择，呢啲特色饮品系佢哋餐厅自己调制出嚟嘅，所以有啲颜色会好靓，味道亦都唔差。😍佢哋除咗晚餐个Menu之外，亦都有少少甜品呀小食之类提供俾你选择，不过食物嘅种类就真系比较少。饮品叫咗呢个茉莉花茶，同一般Cafe一样都系有一壶茶，下面有个蜡烛等啲茶唔好太快冬👍🏻👍🏻👍🏻忌廉烟三文鱼天使面，个意粉味道都整得几出色，不过略嫌份量比较少。蒜香鸡翼，炸得几惹味，几香口，外脆里面嫩滑，亦都唔会干身，里面好juicy啖啖肉。炸芝士条，呢个比较失色，因为里便芝士唔够拉丝，芝士比较硬身，可能唔够热，不过整体都算唔错。