錦麗 (大埔超級城C區)

营业中

休息中

作为一个系越南河内住左一个月咁大把嘅🍘👧🏾Jam，一直都好想喺香港揾番喺越南食到嘅味道！所以终于嚟左试来自胡志明市锦丽越南牛肉粉专门店。-一打开餐牌小食有越南揾唔到，但系香港人一定会识嘅法式牛油鸡翼(4只，$34)。4只鸡翼只只都热辣辣脆卜卜，仲有淡淡嘅牛油香味。我哋都食得好满意，仲即刻回忆起细个系屋企留下嘅越南餐厅食到嘅味道。-好啦到主角越南牛肉粉，餐厅好好有教点样食，点样落啲配菜，同埋点样落啲酱。九层塔，芽菜等等所有配菜全部任添，十足十正宗越南铺。我哋分别叫左锦丽生牛肉粉 ($60) 同埋锦丽生熟牛肉粉 ($60)，啲牛肉好好味，牛味十足，尤其是个熟牛肉，十足十清汤腩咁好味，汤底方面就略嫌有啲偏香港人口味啦。-我地两个都几钟意饮咖啡，所以一人一杯。🍘👦🏻Almond又系例牌拣冻饮，🍘👧🏾Jam又系拣热饮。一人一杯越南滴漏咖啡 (热$25，冻$28)，但系原来冻同热都系一样滴住咁上，只系冻饮多左杯冰，直头冻饮加$3咁话。Lee杯越南咖啡🍘👧🏾Jam个人觉得好正宗，因为好苦好苦，再加上炼奶嘅好甜好甜，就系一杯又好甜又好苦嘅越南咖啡啦。