囍越 (屯門市廣場) (已結業)

晚饭时间又去左屯门市广场揾食，今晚想食炒粉面。唔太肚饿嘅话，通常都会叫一个炒粉面加一碟菜，感觉好似会平衡d。今次叫左个冬荫公炒金边粉同埋蒜蓉炒椰菜苗。之前都曾经喺呢间食过佢嘅椰菜苗，厨师本身炒得比较生，我谂系为左保持佢嘅爽脆。我地就嫌佢硬左少少，今次落order嘅时候特意要佢炒耐d，咁就可以淋d。果然今次真系淋d，不过d菜望落去颜色相对上就无咁靓喇，味道就无影响嘅！至于冬荫公炒金边粉有d惊喜wor，虽然佢餐牌上面系写住辣嘅，食落又唔觉得辣，而且仲有冬荫公嘅香料味tim，好惹味又唔会太辣，不过食到个底就觉得油左少少，如果少番d油可能会好d d。