栢檔極品海南雞飯 (已結業)

成日经过呢间餐厅但未有机会试，呢日想食海南鸡饭即刻谂起佢，叫咗两个一人套餐，$83唔使加一，除咗主食仲有一碟菜、雪米糍、汤或饮品，都算几抵食，店员亲切同客人有讲有笑，加分～🔘极品海南鸡跟白饭系鸡髀同鸡胸位置，熟度刚好，保持到鸡肉嫩滑，店员推介将三色酱汁捞埋一齐先再点酱会更加好食，又真系㖞，口感更加丰富，蚝油生菜同雪米糍就发挥正常，冻柠茶少甜都好饮~🔘极品海南鸡喇沙喇沙系油面加米粉，有豆腐卜同埋半只蛋，大量葱同花生碎好香口，汤底唔辣有椰香，呢度靓汤写到明无味精，饮落味道好浓郁，饮到有陈皮味，感觉食喇沙好似会饱肚过食饭，非常丰富又几好味，好有住家饭嘅feel，有汤有菜~ 👍👍