辣得過癮

营业中

休息中

以为清真食物只系无猪肉咁简单，老板娘话食材来源同处理都好讲究，长知识。一边等一边同老板娘倾，了解到佢开呢间店嘅原因。除左方便购买清真食物，佢仲想畀人知道清真食物都有好多选择，都可以食汉堡包同Pizza㗎。🍔FISH BURGER W/Fried & Coke $53即叫即整，就算返到屋企先食，鱼柳仲脆。酱汁同平时食开系有啲唔同，有啲香料味。🍟薯条都系即叫即炸，配上椒盐，几特别。忍唔住即刻食左几条，真系唔使茄酱都好味😋。咖哩什豆饭 $40唔知叫咩名，辣辣地，无肉，咖哩汁。第一啖唔辣，香料味浓郁，越食越辣，不过又辣得好过瘾，一啖接住一啖，食唔停😆。CHEESE PIZZA 9” $65薄批，同平时Pizza味道有啲分别，清真风味，几特别。我钟意芝士蕃茄呢啲基本组合，芝士唔算多，唔系好拉丝。💬经济抵食之选，真系朗屏站下面1-2分钟路程。唔想等可以先打电话落单，自取跟住就搭西铁，劲方便。