稻八日式火鍋炸物放題 (已結業)

自己本身都成日喺呢度食放题，钟意呢到唔净系得打边炉，餐厅里面亦都会提供炸炉，可以自己与炸串串食，如果叫一个贵价啲嘅餐，仲可以有埋寿喜烧食。餐厅嘅梅酒同清酒系任饮，店舖前有一个大大块宣传海报，吸引左好多人入去。汤底方面，我一定会叫鸳鸯汤底，我叫咗3.7牛乳同埋寿喜烧汤底，牛乳个汤我食到有少少猪骨味，所以应该都有猪骨汤底嘅成份喺里面。餐厅嘅小食都系任食，我自己就钟意食章鱼烧同埋薯饼，新鲜炸起，香脆可口。佢哋嘅刺身，如果叫一个贵价啲嘅餐，就可以任食，相反就可能要俾少少钱另外叫，但我知道嘅系，如果加$30 ，都可以任食。我叫左赤虾同象拔蚌。我俾左四百几蚊，要左一个和牛嘅套餐，牛嘅油花分明，入口香口牛味浓。另外亦都有黑毛猪，同埋羊肉、鸡肉，每一款郁到有浓郁嘅香味。肉质爽脆，非常不错。