龍門冰室 (已結業)

突然之间好想食个港式铁板，经过呢间餐厅，见到 佢个星级杂扒有西冷，鸡扒，英式肠，炸带子，仲有比较少喺港式扒餐里面见到嘅烟三文鱼添，我就知道系佢喇…餐汤系蕃茄罗宋汤，上枱嘅时候热辣辣，有香浓既茄膏味，对于钟意食汤渣嘅我，会觉得如果汤渣再多一啲相信会更加好。星级杂扒，一上枱已经被𠮶朵由烟三文鱼 整成嘅玫瑰花所吸引，估唔到茶餐厅都有咁嘅卖相，实在令人惊喜；鸡扒经过两面煎香，鸡皮脆卜卜，英式肠肠衣坚韧，比起平时𠮶啲杂扒嘅厨师肠味道更加丰富，西冷扒系大大嘅一块，配合住我哋经典嘅港式黑椒汁，非常满足。另外仲叫咗个黑松露薯条，薯条炸得脆身，上枱嘅时候仲系辣口㗎，个黑松露酱好 creamy，再唧啲茄汁间住嚟食就啱啱好喇。临走见到隔离枱𠮶个流心奄列亦都相当之吸引，下次要嚟试埋佢先得。