六両三.台灣食堂

营业中

休息中

之前食过尖沙咀嘅六両三，最近发现原来佢喺观塘都开咗间分店。呢晚到访，见餐牌选择非常之多，除咗有传统嘅台湾面食之外，仲有煲仔饭同火锅，非常吸引。煲仔饭价钱为$108，包煲仔饭之余，仲有青菜，花枝丸或甜不辣及台式饮品一杯。煲仔饭有多款口味选择，包括台式三杯鸡、北菇滑鸡、创意芝士蕃茄海鲜煲、豉汁排骨、咖喱牛筋腩及三宝腊味煲仔饭。天气开始转凉，想食煲仔饭又多间选择。除咗煲仔饭之外，餐厅亦提供一个二人豪华套餐（$258），入边已经包咗两个小食、两个面食、青菜及两杯台式饮品。呢晚点咗个二人餐，小食点咗皮蛋豆腐及盐酥鸡，面食分别拣咗红烧牛肉面及半筋半肉面各一。两款牛肉面嘅牛件都好入味，份量好足。皮蛋豆腐亦非常大碟，豆腐入口嫩滑，配埋带糖心嘅皮蛋及木鱼，口感非常丰富。盐酥鸡份量亦相当多，炸得非常香口，外脆内软。值得一赞，盐酥鸡唔会过分咸，味道不错。饮品分别点咗珍珠奶茶（+$8）及姜母茶，两款口味都不俗，珍珠够烟靭，姜母茶亦够晒姜。餐厅食物质素不错，价钱亦都合理，唔怪之得星期日嘅晚上都见唔少人帮衬，亦有甚多外卖单。