番本日式放題 (已結業)

香港兴起左放题可谓系钟意食日本嘢的朋友嘅恩物，因此放题店亦长开长有，历久不衰。本人对于日本嘢可谓完全无任何抵抗力，亦都试过好多唔同类型嘅放题。而家啲放题好中意玩crossover，我就试过日韩放题啦，日式加泰式放题，今次朋友见倒有蒸气锅放题，梗系要去试一试啦!尼间番本位于旺中对面，地理位置超好，非常易揾。店内的座位宽敞，而且店铺面绩大，加上我哋算早，所以完全唔洗等就可以入座。餐单方面，基本上你谂倒嘅日本嘢都唔会无，而且值得一赞是它的饮品种类选择好多，除了有一般的汽水，还有韩式忌廉牛奶同草苺牛奶，另外竟然有樽装饮品，真系唔错唔错。一开波当然系食日本食物嘅表表姐-刺身。我哋叫左三文鱼、白肉拖罗、希灵鱼、北海道带子、赤贝同荣螺片。基本上一落单过五分钟就有，而且系齐料加大碟，我已经知无黎错。佢啲刺身真系叫新鲜，食倒唔同款式刺身特有嘅味道。我最钟意就当然系三文鱼，厚切大大块，而且食落无渣，味道鲜甜。另外一赞是带子，同样厚切多肉，而且有淡淡海水味，甜鲜相宜。相信无人会放弃点尼间啲刺身。跟住再encore左刺身，今次叫左甜虾我真系俾个心心佢。绝对唔系平日放题好兴嘅细细只无虾头甜虾(你绝对知我讲咩!!