黃金燒味 (已結業)

接老公收工,佢带我去食好味烧味咁话。我见好多人都推介黄金四宝饭,但作为精明眼既老婆,我觉得二人套餐更加吸引同埋抵到烂!!!!当晚我同老公大约8点去到,店内主打既乳猪已卖晒(好可惜),最后点左烧鹅拼叉烧(如果钟意食肥既,加$5就有肥脓腩叉)。咸柠蒸乌头。老火汤都卖晒,我地就加左钱饮淮山杞子响头炖鸡汤。先系送上两份凉拌木耳,非常好食,够爽口之余,调味刚好。好想点多一份,揾晒成份MENU都无得单售(食饱之后,真系好想买返屋企)淮山杞子响头炖鸡汤,足料,清甜。送既系凉伴木耳+白云凤爪,因为老公唔食脚指类,我一个人食晒成碟。清菜够新鲜够嫩,无渣亦带甜。咸柠蒸乌头条鱼对我地两个黎讲都算大,蒸既时候岩岩好,唔会蒸得太老。浓浓郁郁既咸柠同柠檬味道。烧鹅拼叉烧色泽好高分,先试个烧鹅(重要系鹅脾),个皮香脆肉汁JUCY,啖啖肉。难怪店员话店内最正系烧鹅同乳猪。下次一定要食到佢既乳猪。至于叉烧肥瘦适中,味道亦中上。总括黎讲,系好食既烧味餐厅,我地当晚又烧鹅﹑又叉烧﹑又鸡汤﹑又有鱼﹑又有菜都系$258。完全无加一。你地话系咪抵到烂,自己买送$258我都买唔返呢个组合。另外,店内好有礼貌,会同顾客倾计,问你D野