炯記燒味

营业中

休息中

同朋友去开尖沙咀行街肚饿，见到炯记，之前食过其他分店，海外朋友又想食烧味，所以就入黎食。见到平时2:00-6:00pm仲有下午茶时间，好抵食。因为我地比较肚饿所以叫咗好多。望下餐牌，烧味店竟然有肠粉食，正呀，啱哂我，个肠粉仲可以有好多配搭，可以配海蜇，盐焗手撕鸡，麻辣，或鸳鸯。 我地拣咗肠粉配盐焗手撕鸡，满足哂两种选择。 肠粉好滑，配埋混酱同盐焗手撕鸡，正～之后唔少得电影《食神》嘅黯然销魂饭，即系叉烧煎蛋饭，煎蛋系我嘅必加至爱！！ 最钟意半肥瘦，少少脓嘅义烧带少少焦香，肉质松化，荷包蛋蛋边香脆而蛋白幼滑，完美配搭～跟住当然必点呢度嘅招牌菜烧鹅，同拼烧肉。烧鹅有独特烟熏嘅香味，皮又脆又薄，其肉嫩及皮下油脂丰腴，烧出来嘅鹅又香又脆又多汁。烧肉都皮脆、好香口，卜卜脆，肉嫩。非常满意，抵食。