榕記車仔麵 (已結業)

将军澳新都城新开左间榕记车仔面，系九龙城既榕记分铺。平日夜晚去食，唔算太多人，walk-in 都即刻有位。榕记有2款必食既汤底。姬松茸虫草花养生汤（素）白果胡椒猪肚汤（辣）（含猪肚丝）我同男朋友就各自拣左一款汤底连埋3个𩠌。秘制猪软骨、猪大肠、猪皮 😂全部都系猪🐷🐽猪软骨唔算好冧，但系猪皮就好冧，煮到好入味，入口即溶，感觉充满著骨胶原😚。另一碗就有蜂巢豆腐、猪红、鱼肉春卷。豆腐索晒汤底既精华，食落肚即刻觉得好暖胃，啱晒宜家入秋时分食哩个汤底。全部有汁既𩠌都会额外用碗或者碟另上，唔会冲淡左𩠌既原汁原味。提提大家，叫左特色汤底就唔洗特别加汁喇，始终食番汤底既原味先最好食。另外店主提醒，叫特色汤底既话，尽量拣番清淡既面底，例如米粉，河粉，就更加食得出汤底既精粹喇！我地仲加左小食，酱汁鱿鱼（辣）同埋 牛腩汁通菜。鱿鱼真系好爽口。通菜唔会煮得太老，唔错。