饗量 (已搬遷) 新店位置

早排食得多肥腻野所以呢排想食得健康D,放工经过呢间野好似卖D健康野食咁于是就行左入去试下间餐厅系主要做外卖饭盒,但系都有堂食,每个饭盒都可以比客人拣饭既种类、菜、沙律菜、肉同埋配菜既饭盒一 (黄姜饭、咖哩鸡、西兰花、椰菜、青瓜、紫菜)首先个黄姜饭有一阵好浓既黄姜味,唔会好似平时食海南鸡饭果D咁淡黄姜味,个饭唔会大软,咬落去好有口感。个咖哩鸡好入味,个汁唔会好辣同太油,少少辣咁好开胃。个青瓜, 西兰花同椰菜好新鲜, 个椰菜配左D低脂既沙律酱,食落好清新而且觉得好健康。饭盒二 (黄姜饭、椰子饭、蕃茄牛腩、秋葵、鸡脾茹、茄子、紫菜)个椰子饭好有既椰子味,甜甜地好好食。另外个蕃茄牛腩炆到入哂味,而且个牛腩好软,个蕃茄汁甜甜地开胃得黎又唔会太肥腻。个秋葵就不过不失。鸡脾茹个汁甜甜地几开胃。罗宋汤:个人认为呢个汤系心机之作,饮落去绝对唔似系用罐头煲出黎,个蕃茄味好浓。而且佢冇落辣椒油,令到成碗汤都冇咁肥腻,健康D。总结:如果你平时放LUNCH唔想排队等好耐,但又成日要买外卖既人,仲想食得健康D,呢间餐厅极力推介。呢间餐厅睇得出用心煮同埋想D客人食得健康D,最重要系味道好好。