Red Rice 米飯主題餐廳 (億利工業中心)

营业中

休息中

成日听人讲工厦区有好多隐世美食，不过自己又好少去呢啲地方，今日难得去做嘢，就去咗呢间朋友介绍左好多次嘅餐厅啦。呢度唔单止环境好靓，仲有好多可爱嘅装饰，啱晒钟意影相打卡嘅女仔呀。呢度嘅Menu图文并茂，够晒清晰，而且睇到价钱全部都好抵食，搞到我哋心思思好难拣食咩啊。呢个鸡翼超级好味，外脆内嫩，点埋个酱汁，食落非常开胃呀。平时食西餐最钟意食猪肋骨，嚟到呢度梗系唔例外啦。佢整得够晒稔，个酱汁亦都好开胃，搞到我地个个都争食啊。呢个叫富士山蛋包王，佢个蛋整得好滑，平时最怕食啲煮得太耐嘅蛋，但呢度既蛋够滑又够香，啱晒钟意食蛋嘅人。呢间餐厅环境又好味又抵食，而且全部都好有特色，虽然地点唔系旺区，但都好值得再嚟食呀，最岩一大班朋友来gathering啦。