九份•十分 (已結業)

上水区冇乜台湾菜食店，所以好开心终于开咗呢间又就脚，价钱又抵食嘅！个名都够哂台湾，拎哂两个香港人最钟意去嘅台湾地方做名👍🏻讲返嘢食，餐牌食物选择好多，除咗台湾特色嘅嘢食，仲有一啲有返香港味道嘅𩠌菜，本menu揭极都仲有，一度谂唔到食乜好😂当然食台湾嘢一定要嗌红烧牛肉面，呢度好贴心讲到明系微辣，对于辣好敏感嘅人真系会食到少少辣，其他人就应该唔会好觉啦。碗面牛肉份量好多仲要系大大旧，牛肉系半肉半筋，真系好抵赞👍🏻面底有得拣粗面幼面，贯彻咗呢间餐厅俾食客好多选择嘅风格。我就拣咗粗面，啲面好有咬口，真系似系台湾食嘅牛肉面！然后仲嗌咗个芝士培根手抓饼，邪恶芝士拉哂丝，淋系上面嘅酱汁有沙律酱同木鱼碎，有少少和式嘅感觉。我同友人都一致觉得好好味，不过记得要趁热食！另外仲嗌咗卤肉饭同落嚟送饭嘅金银蛋浸菜心。个饭好香口，份菜都好大份，咸蛋皮蛋都好足料👍🏻最尾嘢饮嗌咗奶盖红茶同紫薯牛奶。好值得欣赏嘅系呢度有部分嘅嘢饮有得拣甜度（全糖，半糖，少糖，微糖等等），好多餐厅即使系台式餐厅都冇得咁样拣。虽然呢两杯都冇得拣甜度，但饮落都唔会好甜。紫薯鲜奶唔会系成杯好假嘅色素紫色，而系淡淡嘅紫色，食落好有紫薯嘅味道仲咬