伊太屋 (已結業)

今日去咗天后觅食，见到一间气氛好好嘅餐厅，而且装修都几靓，我好钟意坐住张高嘅櫈食饭，好似去咗酒吧咁，有feel 呀！前菜冷盘叫左鱼子酱海胆安格斯牛他他，海胆好新鲜，调味都唔错，配住啲多士食真系好正！啲多士可以refill, 烤得香口！前菜热盘叫咗黄金邪恶软壳蟹配香烧焦糖苹果，蛋黄味好香呀💕💕如果你觉得蛋黄有啲油腻，就可以加啲焦糖苹果食，一啖软壳蟹一啖苹果🥳🥳北海道带子忌廉香菇烩意大利饭带子煎得香口，而且大大粒，如果意大利饭再硬身啲嘅话我会觉得再更加正啲🥰主食仲叫左秘制清酒海胆牛油酱烧波士顿龙虾🦞配日本鲜海胆及鲜味日式蟹子，呢间餐厅嘅海鲜系即日到嘅，所以系好新鲜！佢嘅薯仔好特别，薯仔肉挖咗出嚟入边放咗啲蛋黄同埋蟹子，good!!甜品叫咗抹茶Tiramisu，浓浓嘅抹茶味加埋Creamy嘅Tiramisu, 食得好享受！叫左杯mocktail, caribbean dreams, 有苹果橙菠萝等等唔同种类嘅水果，好Fresh🎉侍应好热情，服务周到，整体来讲我对呢间餐厅好满意！