鶴亀 (已結業)

呢间位于尖沙咀，属于香港人既拉面舖我自己bookmark左好耐，前排终于得闲去试啦👍🏻！讲明，呢间拉面店主要卖特色既拉面🍜，所以一碗拉面价钱由$85-$200。但佢呢度口味真好特别，例如黑松露慢煮安格斯牛沾面🤤同柚子炙烧三文鱼沾面。我就叫左个海老帆立贝拉面🍜，虽然$158，但份量十足。首先，面都几大碗，又有4块叉烧，又蛋又虾又带子，非常丰富。汤式系豚骨汤底，但好重虾味，我估系表面果层虾油，所以即使汤底无落鱼去熬制，都依然好香，提升左海老同带子鲜味。可惜两样主角都系急冻货，本身鲜味唔够，幸好厨师都处理得唔错，D肉唔觉老唔觉鞋。配菜就相当唔错，糖心蛋真系非常流心，叉烧每块都微微煎过，荀食落都无渣。总体上表现都OK la！我另外叫左碟饺子🥟，因为入面无加到椰菜，同埋煎到有点干同脆口，觉得比其他餐厅整得更吸引！仲要细细只，岩哂同朋友share！呢间餐厅表现都唔错啦。餐厅其实就系六两三隔离！眼见呢排少左人出街，好多餐厅lunch都好冷清！大家去开尖沙咀，就去罚下佢地啦！