浪人日本料理 (已結業)

系中环的哩间餐厅岩岩开张，但好似已经好有人气咁，决定黎一试卢山真面目。格调同气氛都唔错，座位阔络，而且感觉上好有私人空间，好适合黎同朋友聚旧。 首先食左刺身，非常生鲜，个人偏好白色嘅鱼肉，口感较嫩滑。不过哩到的三文鱼都相当不错。带子更加系我的最爱，哩到嘅带子有啲特别，佢爽口小小，不过鲜味都仲系好丰富。 日本海胆伴豆腐，佢嘅豆腐系芝麻味的，有小小似食紧豆腐花，好滑，同海胆一齐食系好新鲜的配搭。 吉烈鹿儿岛豚肉，好正嘅吉烈猪扒，好嫩，而且半肥瘦咁，好好食。加上佢炸得岩岩，好脆，就算冻左都唔会唔脆。佢除左可以点沙律酱，仲可以点黑色个个酱，唔知佢叫咩名，但系酸酸地咁，我都好中意。 甜品叫左梅酒啫喱，啫喱放系martini 杯到，造型好得意。而啫喱都好重梅酒味，好正。