中環茶記 (已結業)

近来某社交平台好多人介绍呢间茶餐厅，上星期有一晚放工见冇嘢做就去试吓。中环呢排夜晚都水静蛾飞，所以都唔使排队。一坐低望餐牌都几多款式，有小菜、铁板、咖喱等等。第一次帮衬都系叫几样王牌试试先。沙嗲牛肉菠萝包菠萝包唔会松泡泡，好有口感。牛肉肉质几鲜嫩，唔似用生粉乸过，而最重要嘅沙嗲汁亦都好浓味。如果成个包热啲会更加完美。芝士肉酱焗薯条菠萝包套餐包埋，薯条都几大兜，配肉酱系非一般食法，都几特别。日式鳗鱼炒乌冬一上枱就俾佢吓亲，条鳗鱼仲长过我只手掌。鳗鱼汁甜度适中，同乌冬出奇地好夹。同埋我最怕炒乌冬好多油，呢碟就刚刚好。王牌杂扒分别有猪扒、鸡扒、薯条同一条司华力肠，配黑椒汁。猪扒厚度差不多有3cm，好松软。其他嘅味道不过不失。龙凤柠乐同埋冻柠茶都系餐饮，龙凤柠乐唔使加钱，最开心😬😬😬。