The Joomak (已結業)

原本订咗位，点知都要等30分点。因为有朋友食素，所以特别拣Joomak，知道menu有比较多健康素食。今日有两个寿星公，所以大家都不啬惜地去叫菜。其中4°C 手拉冷面虽然味道平平，但卖相赢晒，干冰令冷面烟雾弥漫，适宜映相呃nice！另外紫菜芝士溶岩包卖相亦同样特出，整个烘焙方包挖空装满熔咗嘅芝士，配上串串炸物，但芝士䊢都几快被方包，要点炸物就要快手。我哋亦叫咗混酱炸鸡，因为有6种酱汁任点，我就觉得菠萝椰香酱同黑糖梅子酱。素食中我咃点咗柚子蜜炸韩参、素芝士紫薯粟米同羽衣甘篮煎饼，都算几特别。另外吉列韩式牛肋骨非常脆口，都几好味。整体上味道OK，但菜式设计及卖相有心思，比较一般韩国菜突出。