喜聚坊

营业中

休息中

晏昼嚟到公司附近呢间喜聚坊食午饭，门面系一般餐厅嘅布置，内笼同其他普通茶餐厅差唔多。可能系因为到咗放饭时间，里面其实都坐到七七八八，睇黎呢间舖头平时都有好多人会帮衬。见到佢个餐单有竹筒饭，就好好奇咁样嗌咗个土鱿蒸肉饼饭试下。上菜速度都算快，十分钟内左右就送到，个饭个碗既卖相就见错嘅，成个竹筒摆喺你面前，真系几特别。系块肉饼就咁放喺面度蒸有啲肉酸。食落口其实味道正常，唔会话好干，咬落去会有肉汁。个饭就喺个竹筒里面，不过其实就食唔到啲竹味嘅，只系将个竹筒当咗做个碗用啫，个竹筒系噱头嚟。份量其实就偏少嘅 ，一眼睇晒个竹筒有几大啲饭量就几少。因为份量嘅关系其实个价钱唔算抵食。