味真 (已結業)

如果钟意食唔系一般韩烧嘅人一定要试吓呢一间喺沙田第一城嘅韩式烧烤。老板系真系韩国人，职员都非常殷勤服侍，基本上系佢帮你烧晒所有嘢，呢间嘢叫「味真」。烧烤主打系猪嘅三层肉，都系腩嘅部份。职员会帮你将一块大嘅肉切到细细粒然后烧。当然有好多唔同味嘅酱可以点，我试咗职员特别推介嘅腌制茖葱，佢酸酸甜甜咸咸地嘅猪肉真系超级夹。亦都有腌咗嘅萝卜片，夹埋都真系好好食，都系酸酸甜甜咸咸咁。另外都试咗佢个泡菜猪肉汤，食得辣嘅人一定超级钟意，好惹味。韩式鸡蛋羹都好好，用一个锅仔蒸完蛋之后会变到好似食面包咁嘅口感。最后午餐肉便当都好得意，除咗有午餐肉之外，另外亦都有好多唔同配菜，例如紫菜，泡菜，芽菜同一啲好细条嘅白饭鱼，惹味得来好好食。