茶餐廳2.0 (已結業)

假期前夕，来到愉景新城，食咩好？行行吓见到茶餐厅2.0，朋友话呢间唔错，小菜选择多，饮品亦有其他茶餐厅没有的特色，咁仲等咩呢？即刻『闪』入。我叫咗『凉瓜炆仓鱼』套餐，朋友就拣咗佢钟意的『金沙鲜鱿』套餐，虽然食嘅系中餐，但餐汤亦可选择中汤或西汤，咁就一中一西吧。罗宋汤好浓郁，好少少辣，好开胃; 中汤就清清哋，好滋润，各有特色，各取所需。鱼餐嘅仓鱼中等Size，新鲜味美，而凉瓜微苦，甘甘哋，喜欢但略嫌少D; 而鲜鱿亦好味，可以话系我食过最好食之一。『芒椰派对』和『莓莓仲夏』呢D好少可以喺茶餐厅饮到嘅嘢呢度都有，跟餐价减10蚊，抵饮。