影片
更多
2022-11-20
26 浏览
朋友准备移民了，当然要去同佢食啲外国冇嘅嘢啦。佢呢度系有烤鱼或者鸡煲任食套餐，我哋今晚就拣咗青柠椰汁烤鱼。佢个汤底好香椰子味，绝对可以喺开始之前饮返两啖。佢哋用嘅应该系卢鱼，啖啖肉，啲鱼肉系比较硬身有口感啲。我哋个餐包咗个海鲜拼盘，六款海鲜其实都真系几丰富，而佢呢度嘅龙趸片都好滑，啲虾都好新鲜好弹牙，确实系唔错。另外仲有个M4和牛拼盘，M4和牛好食就唔使讲，想讲嘅系佢个封门柳仲好食，真系好够冧，另外个牛肩肉同牛板健都唔错。另外呢度仲有得玩小游戏抽下奖，佢嘅抽奖礼物会系一啲饮品食物或者系折扣。我哋就抽中咗牛小排一份，我谂佢系跟人头嘅份量，所以就得两片。除咗牛之外，呢度啲猪都几好食，同样都系好冧。呢度值得赞嘅系喺你食完个烤鱼之后，你可以选择换过汤底先至打边炉。所以我哋就拣咗个冬瓜盅汤底。冬瓜盅汤底真系好足料，大大个冬瓜喺中间之外，仲有一啲素翅添，个汤绝对系可以用返碗之后先开始打边炉。除咗啲火锅配料之外，呢度仲有几款嘅熟食同前菜俾你任食。佢啲无骨凤爪都做得几好，微微辣咁几惹味。除咗自己喺手机落单之外，出边都仲有好多丸类同菜俾你自己攞，啲选择都唔少架。甜品方面，佢都有一啲台式甜品比你自己整，有
佢呢度系有烤鱼或者鸡煲任食套餐，我哋今晚就拣咗青柠椰汁烤鱼。佢个汤底好香椰子味，绝对可以喺开始之前饮返两啖。
佢哋用嘅应该系卢鱼，啖啖肉，啲鱼肉系比较硬身有口感啲。
我哋个餐包咗个海鲜拼盘，六款海鲜其实都真系几丰富，而佢呢度嘅龙趸片都好滑，啲虾都好新鲜好弹牙，确实系唔错。
另外仲有个M4和牛拼盘，M4和牛好食就唔使讲，想讲嘅系佢个封门柳仲好食，真系好够冧，另外个牛肩肉同牛板健都唔错。
另外呢度仲有得玩小游戏抽下奖，佢嘅抽奖礼物会系一啲饮品食物或者系折扣。
我哋就抽中咗牛小排一份，我谂佢系跟人头嘅份量，所以就得两片。
除咗牛之外，呢度啲猪都几好食，同样都系好冧。
呢度值得赞嘅系喺你食完个烤鱼之后，你可以选择换过汤底先至打边炉。所以我哋就拣咗个冬瓜盅汤底。
冬瓜盅汤底真系好足料，大大个冬瓜喺中间之外，仲有一啲素翅添，个汤绝对系可以用返碗之后先开始打边炉。
除咗啲火锅配料之外，呢度仲有几款嘅熟食同前菜俾你任食。佢啲无骨凤爪都做得几好，微微辣咁几惹味。
除咗自己喺手机落单之外，出边都仲有好多丸类同菜俾你自己攞，啲选择都唔少架。
甜品方面，佢都有一啲台式甜品比你自己整，有晒仙草爱玉芋圆，但我自己就拣返豆腐花作为呢一餐嘅结局。
张贴
