稻香 (新九龍廣場) (已結業)

上个星期四同好朋友们团年，由于卜唔到利宝阁，就卜咗哩间稻香，稻香都算系名牌酒楼，从来都冇谂过会咁垃圾。十个大人一个细路，未齐人，叫住炸馒头&几个𩠌先，好少待应，次次都要叫好耐先有人理，炸馒头吹咗几次先上到枱，点知除咗个面系金黄色之外，基本上系蒸馒头，差，之后谂住炸同蒸都冇分别，叫多碟蒸馒头，又系吹咗几次先上到，点知上咗碟炸馒头，同个侍应讲，佢话︰「整错咗，唔紧要啦，俾个面我要咗佢啦...」，之后放低就走咗，吓，咁0既服务态度都得？另外叫咗个龙虾伊面+吊烧鸡、咕噜肉、什菜煲、烧鹅、海皇麻婆豆腐、四季豆炒珊瑚蚌...d𩠌劲细份量，卖相又肉酸，求其炒完pat上碟咁，而且冇样好味，系个什菜煲好d，叫咗好耐唔见只鹅，吹佢，佢先话烧鹅卖晒，果时已经食到成肚气喇，惟有转咗黄金虾，六大只虾，卖相吓人，面头果层炸浆，灰灰黄黄，见到都唔开胃...个个都谂住快d食完去第二度再食过，差唔多食晒时，发觉争半只吊烧鸡，又吹佢，佢先话烧鸡卖晒，叫我食油鸡，我嬲到即刻闹人，叫咗成个钟先话冇，叫佢叫经理嚟，过咗一轮佢过嚟话入面房果只烧鸡唔知乜嘢，可以俾半只我地，咁都得？等咗一阵半只鸡上枱，只碟好大啰，只鸡，我谂得四分一