萬寶素食館 (已結業)

之前因为有朋友唔太食肉类，所以食饭都要谂过去边，呢间位于油麻地同旺角中间嘅素食馆，就算系唔错嘅选择。虽然门面唔系话好光鲜，但系坐落都唔会话感觉太差，野食方面都多元化，虽然用料都系个啲，主要都系豆类制品当肉类咁煮，不过都唔差，今次食左芋头鱼、沙姜素鸡、炒三丝等等，重点佢有一味素鱼生，就咁食落其实无咩味道，但一同豉油一齐食，又真系几似鱼生㖞衰鬼。值得一试。另外就系，晚市食够人均60蚊就可以食佢地嘅生果放题，有咩生果就视乎老细切紧咩生果而定，仲有凉粉同红豆沙任食，都几特别。