影片
更多
2010-11-30
103 浏览
最近心思思想食生蚝,但馋嘴既我又唔想独枯一味咁寡,难得见北角海逸既lunch buffet有生蚝供应㖞,况且有生蚝食既lunch buffet真系少之又少,价钱亦唔算贵~$168加一,HSBC card有9折,近近地直头啱哂我呢只懒猫啦…绿怡厅个场几大吓,环境布局好尤雅恰如其名,我地12点零钟上到去但见已有唔少人入座,心知不妙,好奇地细看下先知成个场有9成被「油麻地旅游」包左。本港团果然不比内地团逊色,甫坐下已见食物区处人头涌涌排哂队,我地即刻出动都赶唔切嘞!!!所有生蚝、翡翠螺、蒸鱼、龙脷柳等一下子被人扫清光!!!鱼生寿司区排长龙,至少等半个钟…都唔知攞咩食好,都系攞少少炒米粉,猪颈肉食下填住肚仔先,幸好味道唔错,猪颈肉好嫩滑。虽然有不停refill,但本港团唔执输既本色实在太励害,尤如蚁多搂死象,好野一上即无,问你服未?!休息日唔想有压力,暂时转战乏人问津既甜品区先,一于hea住食…先来碗香滑润喉既杏仁茶,唔太甜啱啱好。细细件既蛋糕有好多款式,每款都攞来试下,味道一般,有d仲不够松软,有d则味道略嫌淡左些少。 芒果布甸毫无芒果味,认真麻麻地,。无试到豆腐花因为成日都有得食。有款水蜜
绿怡厅个场几大吓,环境布局好尤雅恰如其名,我地12点零钟上到去但见已有唔少人入座,心知不妙,好奇地细看下先知成个场有9成被「油麻地旅游」包左。本港团果然不比内地团逊色,甫坐下已见食物区处人头涌涌排哂队,我地即刻出动都赶唔切嘞!!!所有生蚝、翡翠螺、蒸鱼、龙脷柳等一下子被人扫清光!!!鱼生寿司区排长龙,至少等半个钟…都唔知攞咩食好,都系攞少少炒米粉,猪颈肉食下填住肚仔先,幸好味道唔错,猪颈肉好嫩滑。
虽然有不停refill,但本港团唔执输既本色实在太励害,尤如蚁多搂死象,好野一上即无,问你服未?!休息日唔想有压力,暂时转战乏人问津既甜品区先,一于hea住食…先来碗香滑润喉既杏仁茶,唔太甜啱啱好。细细件既蛋糕有好多款式,每款都攞来试下,味道一般,有d仲不够松软,有d则味道略嫌淡左些少。
芒果布甸毫无芒果味,认真麻麻地,。无试到豆腐花因为成日都有得食。有款水蜜桃糖水,外表唔多讨好,怕太甜无试了。嘿嘿…海鲜区开始少番d人,俾我攞到生蚝及翡翠螺了,点解唔见左柠檬同茄汁ge?_? 耳边传来一句:「被人扫哂,去饮品区攞柠檬片顶住先...」Yuk :-S…唯有摆住系枱先,一阵等到柠檬及茄汁先开餐…食住热荤先啦~白汁龙脷柳好creamy仲好食过蒸鱼添,出面好多buffet都有蒸海斑食,呢树呢款似乎系蒸卢鱼,肉质好鞋兼伴有一股腥臊味,bad taste!
食左一粒烧卖(被人抢哂),味道ok。忌廉汤ok。轮到叹生蚝lu,size适中,爽口而甘甜,海水味较淡,全场至正食物!!
翡翠螺、青口及海虾系一般货色,并不突出。至于焗薯仔、烧南瓜条、炒菜心、芝士焗津白、烧牛扒、焗鸭胸、咖哩羊肉、烧鸡、卤水鸡翼、烧味、炒饭、义烧包、沙律、火腿等等统统都无试,因为先前食甜嘢食滞左个胃。最差系d寿司饭,尤其系腐皮寿司,夹起即散又难食!!!生文鱼刺身卖相唔太新鲜,肉质布满肥筋,口感又一般。
另一款刺身虽然爽口可惜腥腥地。个日式冷面晤错。跟住走去渌番碗醒胃既喇沙汤油面,汤汁浓辣但却无咩配料做𩠌,只有滚粥果d配料如猪膶、猪腰、鱼片、鲍片、豆卜等,就连其本既丸都欠奉=.=!想食皮蛋瘦肉粥又无,不过有鱼片粥搭够,d粥入口都算绵。有4款味道雪糕:芒果、士多啤梨、绿茶同朱古力。一早所剩无几被人挖得七七八八,连饼筒都得番个吉,只食到少少士多啤梨及绿茶咋>.<。饮品任饮: 冻饮有柠茶、橙汁梳打及苹果汁。热饮则有柠水、柠茶、奶茶及咖啡。西瓜超甜又多水,其他生果计有哈密瓜、菠萝及火龙果等。
餐厅服务不错,收碟埋单几快。整体食物质数偏向下,唔知系米同旅行团包场有关呢?!
张贴
