好媽媽台灣館 (已結業)

虽然啱啱去完台湾，但都无阻我对台湾食物嘅热爱！见门口痴咗金钢同小仪嘅相，睇嚟之前电视都报到过应该唔错挂！所以就胆粗粗咁入去试吓啦！入到去，发觉成间餐厅设计好可爱好有Cooking Ma Ma 嘅感觉！虽然铺头唔算好大，但干净企理，感觉几舒服。男朋友入到嚟就话要鸡排同卤肉饭，见呢个餐咁啱两样都有，无理由唔叫嘅！哈哈木耳拍青瓜都几爽口，食落感觉清新！食完前菜，就到其中一个招牌好妈妈卤肉饭啦！一半肥肉一半瘦肉，食落充满油香，配埋只溏心蛋，真系无得输！呢个香酥大鸡排炸粉唔算厚，薄薄一层，入口酥脆！鸡肉食落都几滑身，唔鞋口，配埋啱啱个卤肉饭一齐食，真系有少少番咗台湾嘅感觉对于菜脯蛋，我只系记得阿妈细个会整嚟比我带饭！不过阿妈整嘅菜脯蛋，系用平底锅，薄薄地咁煎，食落比较香口脆身！同呢到嘅整法唔同！呢到嘅菜脯蛋非常厚身，切开之后，会见到入面满满嘅菜脯，好足料！食落外层酥香，入面湿润软嫩，菜脯微微带有咸香味，唔错台湾肠同香港嘅肠仔好唔同，食落有啲似蜡肠，但口感更丰富！每次去台湾都系必食的？识食嘅，当然要夹埋蒜头一层食，味道异常夹！（都系台湾人教我，我先知原来肠仔同生蒜头系咁夹！！）而且因为蒜头内含有丰