影片
更多
2015-02-23
4923 浏览
因为Little Vegas曾经上过10大排行榜，都有留意过依间楼上店，不过，就一直未有冲动去试。最近睇过一位相熟食友嘅食评，赞佢唔错，部份菜式有惊喜，所以，扚起心肝走过嚟试试。百乐中心内有好多餐厅，真喺好多人，地下大堂等电梯已大排长龙，而一出电梯，又见Little Vegas门外企咗唔少人等位，好彩小弟有订枱，如果唔喺，侍应话最快要等成粒钟。餐厅虽话占咗全层，呈L形，其实唔喺好大，大概50-60个座位左右，装修简约，地下、墙身、枱面有唔少美国街头式喷画，而枱上、窗台旁又放有唔少赌城拉斯维加斯嘅相关纪念品，都喺展现出美式风情。餐牌，亦都模仿成美国报纸咁，打开头两版就喺嘢饮，手调咖啡、朱古力、茶类、特饮及沙冰，但却无卖美式经典饮品嘅奶昔。之后，仲有餐汤、沙律、小食、比萨、招牌嘅全日早餐、意式云吞、意粉、主菜及甜品，但又会揾唔到汉堡、热狗等美式嘢。而且，食材又加入咗各国元素，例如：热带水果、泰式香料、意国黑醋、喇沙汤底……，再者，份量又唔似一向美式餐厅般大大份，所以，只可以形容佢环境大卖浓厚美国风，食物就集各家之大成。热带水果茶 $48壶之前睇过人介绍依度嘅水果茶，就番表姨甥嘅口味，我哋都
餐厅虽话占咗全层，呈L形，其实唔喺好大，大概50-60个座位左右，装修简约，地下、墙身、枱面有唔少美国街头式喷画，而枱上、窗台旁又放有唔少赌城拉斯维加斯嘅相关纪念品，都喺展现出美式风情。
餐牌，亦都模仿成美国报纸咁，打开头两版就喺嘢饮，手调咖啡、朱古力、茶类、特饮及沙冰，但却无卖美式经典饮品嘅奶昔。之后，仲有餐汤、沙律、小食、比萨、招牌嘅全日早餐、意式云吞、意粉、主菜及甜品，但又会揾唔到汉堡、热狗等美式嘢。而且，食材又加入咗各国元素，例如：热带水果、泰式香料、意国黑醋、喇沙汤底……，再者，份量又唔似一向美式餐厅般大大份，所以，只可以形容佢环境大卖浓厚美国风，食物就集各家之大成。
热带水果茶 $48壶之前睇过人介绍依度嘅水果茶，就番表姨甥嘅口味，我哋都点一壶，足够两个人享用。壶内有火龙果、蓝莓、青柠、士多啤梨、橙及柠檬，茶味清幽，几香甜，饮落几舒畅，果然几好饮。一路热住，饮到尾都有一定嘅热度，而最别致仲有个茶壶托，喺由5个心形组成。
热带水果茶
$48
69 浏览
0 赞好
0 留言
烤意式黑醋茄子 $68小食类都较多喺燥热嘢，但一眼就睇上依个茄子。所谓「意式」，喺加有芝士嚟焗啲茄子，此外，仲放咗少少蕃茄粒，焗好再淋上黑醋。味道上，绝对深得我心，一来，芝士跟蕃茄粒嘅配搭，浓香中带点清新，二来，啲黑醋睇个样已望到够杰身，又陈又醇香。不过，啲茄子有部份比较切得大嚿，所以，有啲未焗透嘅情况出配，口感有点点硬硬实实咁。
烤意式黑醋茄子
$68
82 浏览
0 赞好
0 留言
泰式冬荫虾幼意粉 $98店家有6款必食推介，依个泰式冬荫虾幼意粉喺其中之一。个意粉好有泰式风味，忌廉汁底夹杂一朕朕冬荫功香味，有啲椰汁香，又有点辣劲，复杂有层次，味道认真唔错。意粉煮得有咬口，虾仔又鲜爽又有虾味，配菜有点红椒、露笋仔、翡翠苗，真喺估唔到好夹冬荫功跟意粉又几夹跍，不愧为店家推介。
泰式冬荫虾幼意粉
$98
58 浏览
0 赞好
0 留言
黑松露野菌长通粉 $98个长通粉同样煮得啱啱好，够咬口，而野菌好似只食到啲冬菇，而个味道主要靠啲黑松露酱提味，虽然，几馥郁芳香，略嫌只得冬菇显得有点单调，但整体味道依然唔错。
黑松露野菌长通粉
$98
58 浏览
0 赞好
0 留言
期间发生段小插曲，就喺个长通粉嚟错咗个香肠拿破仑长通粉，但二话不说，好快换过一客，无话有咩不快事发生。所以，俾人感觉服务好好，此外，我哋两个人被安排坐晌餐厅尾嘅长枱，后来有客到，同样安排到我哋依边张长枱，但中间隔开咗一张枱，少咗份骚扰，算安排得几好！
讲开Las Vegas，就即时想起「赌」，但只卖食物嘅Little Vegas，无论食物嘅质素，抑或服务嘅水平，都称心满意，怪唔之得虽然喺楼上小店，门口都仍然有咁多人等位，佢哋嘅表现，可算喺有目共睹！
张贴
