紐約客 (已結業)

Woo.....全只春鸡坐定定喺个啤酒樽上面，好架势 春鸡size比我相像中大，又唔会奀芝芝无肉。鸡肉好juicy 食到轻轻的啤酒香味，但唔会有苦涩味。伴碟配有薯角/薯条，仲有炒得好香口的杂菜，整体系几好味！鹅肝的油香配搭起牛肉真系无得输 鹅肝烤至表面㶶㶶地，睇安格斯牛肉的色水就知火喉刚好 而且burger仲系夹住沙律菜，感觉邪恶得嚟又fresh啲健康啲，可以选择跟薯角/薯条/墨西哥脆片。鱿鱼圈都炸得几酥脆，脆浆亦唔算厚。薯角就一般普通水准。尼杯自由女神系玫瑰绿茶梳打，饮落感觉涩咗少少，不过颜色卖相都唔差。