影片
更多
2015-02-23
250 浏览
个日整系带$100既我同我个朋友去左屯门玩，之后肚饿得滞就去左个面包店买面包，买左个芝士烟肉面包，好食都震😚然后觉得屯门啲野食应该几好质素。因为仍然肚饿，于是去食正餐，咁面包店格离就系呢间面店嘞。不过一开始无谂住食呢间，但我个朋友不断话想试下，所以就唯有应佢要求啰。见到门口个菜牌啲拉面好似好正咁，觉得，嗯～应该几正。入到去，店员问我地几位，然后见得得我地两个人，就比我地坐边边角落靠墙位，张枱细细地，前后一个位咁啰，我坐既后方系一条走廊，啲店员会系入边拿杯碟，或者放污糟既碗碟入去。当时其实仲有其他位，不过可能觉得我地人少，再加上两个细路女、年纪唔大，应该唔会投数，所以就安排我地坐呢种位。我个朋友一开始唔多钟意，讲笑咁抱怨，不过个时谂食物好味咪得啰，就由佢嘞。点知好兴奋咁打开份菜单既时候，个心当堂dum左声，一份拉面竟然要$70几(无记错既话)，个时整系带左$100而且仲要食左$9几既我，真系成个人落地狱。可能会有人话食拉面就系咁贵架啦，不过对小家性格既我黎讲唔值啰。原本，谂住走人架，不过当我地想企起身个刻，有个店员递左两杯热水比我地，好有善咁问想食乜，仲要有经理介绍店里面有咩拉面好食，仲
见到门口个菜牌啲拉面好似好正咁，觉得，嗯～应该几正。入到去，店员问我地几位，然后见得得我地两个人，就比我地坐边边角落靠墙位，张枱细细地，前后一个位咁啰，我坐既后方系一条走廊，啲店员会系入边拿杯碟，或者放污糟既碗碟入去。当时其实仲有其他位，不过可能觉得我地人少，再加上两个细路女、年纪唔大，应该唔会投数，所以就安排我地坐呢种位。我个朋友一开始唔多钟意，讲笑咁抱怨，不过个时谂食物好味咪得啰，就由佢嘞。
点知好兴奋咁打开份菜单既时候，个心当堂dum左声，一份拉面竟然要$70几(无记错既话)，个时整系带左$100而且仲要食左$9几既我，真系成个人落地狱。可能会有人话食拉面就系咁贵架啦，不过对小家性格既我黎讲唔值啰。原本，谂住走人架，不过当我地想企起身个刻，有个店员递左两杯热水比我地，好有善咁问想食乜，仲要有经理介绍店里面有咩拉面好食，仲特登指住七十几蚊既拉面话呢个唔错。我同我个朋友对望左一眼，人地经理都出动埋，唯有系咁啦，就食个经理指个份拉面。
不得不赞既系，上枱既拉面同菜单上面既拉面卖一样，而且摆得几靓。不过食落去就见仁见智啦，事关一开始食都ok既，有叉烧、大大份咁，仲有只蛋都唔错，但食得耐，发觉啲面愈食愈苦，而且食得多会好腻，仲要啲面好似食极都食唔哂咁😪后尾真系腻都吞唔落，就无再食，走去买单。
我个朋友走左去买单，点知返到黎，无钱找比我，原来要加服务费，个时真系劲嬲，嬲自己点解唔睇清楚先食，好似上左贼船咁，唉。
不过总括黎讲，服务唔错，环境几好，但啲食物就⋯😬
张贴
