多多車仔麵

营业中

休息中

又一间大埔既良心食店，老板娘好友善☺️，主动同食客倾计，令我觉得除左食物既美味，仲多左一种人情味。三𩠌一面 $40+$3 (甜酸斋•聪明哥猪扒•猪腩肉•米粉)汤底我拣左沙嗲汁同四川辣汁，唔好睇落颜色咁普通，食落又几重口味，沙嗲辣味都好香浓，配上米粉非常挂汤🍜，但又唔会食到口渴。甜酸斋一分为二，方便入口，正常发挥。聪明哥猪扒🥩腌得相当入味，外皮炸到黄金香脆，猪扒保持到肉质松软得黎仲有丝丝肉感，唔系外间常见既松肉味。而猪腩肉🐷都好淋，食落唔会好腻。枱面除左辣椒油🌶，亦有店家自制辣菜莆，配上粉面食都好惹味。我都无谂过食车仔面可以咁饱，好满足😊。