小桃咖啡室 (已結業)

其实麻麻地钟意去铜锣湾, 因为好多人, 而且有时想揾问野坐低倾下计都未必有位, 就算有位, 都好鬼嘈。𠮶日两个friend 约我, 话不如约 cwb, 我真心唔想。佢哋话而家好多楼上餐厅专做啲特色野，佢地话唔贵的，咁我就，唉，算啦。去！𠮶间野叫做小桃，上到去我真心有Ｄ惊讶，因为原来有个露台，好近咁对住 Time Square。系对到正！感觉好正！影出嚟啲相背景系劲有型！而且佢的环境令我收咗声，唔系好多枱，静静地倾到计，正！好，讲下野食，佢原来都有Ｄ攞奖野，佢个ribs定要试，入味但唔会太咸，我好憎Ｄ野好多味精，佢唔会。另外好好味的系个蜜糖鸡翼，我哋个个都想食埋人地𠮶只！哈！野饮呢，个待应姐姐话，可以为我哋调一杯特制饮品，我哋惊伏，所以问：系咩嚟架？佢话会睇佢心情，我哋笑到碌地，但冲出嚟杯野，好得，系特别的，同好玩啰。Surprise 嘛。我觉得呢间野值得去架！