影片
更多
2023-03-10
55 浏览
之前经过见到装修左几个月睇嚟又有新餐厅开张上星期经过见到已经开咗咁就book左今日坐低试吓餐厅嘅老板好Nice 呢啲真系名副其实嘅小店而家都已经绝无仅有一个人做晒楼面厨房洗碗𠮶份对食物嘅执著同埋心意而家已经唔能够咁容易揾到❤️特式沙律 - 喺出面食西餐，通常前菜都会有沙律，不过好多时候都系求其比两块菜，但系呢度嘅沙律好好味，就连我呢个平时唔钟意食蔬菜沙律嘅都清左，不过佢哋整嘅蔬菜沙律有少少辣，入面除咗有蔬菜之外，仲有好多唔同嘅配料，个酱汁仲好好味，不过由于佢只系一份前菜，我就冇去考究佢嘅酱汁海鲜盘 - 以呢个价钱去食，仲可以食到咁丰富嘅海鲜盘，真系有啲惊讶，不过有啲海鲜应该系时令嘅，我食嘅时候，有一只刀圣旨，听佢讲系喺泰国坐飞机返嚟，不过唔系成日有，肉质鲜甜有质感蟹饼 - 本来我以为佢哋都系求其整个好似 outback𠮶啲咁嘅蟹饼，但老板后来出嚟同我讲，呢个蟹饼应该系叫做蟹肉拿破仑，因为系要好似拿破仑咁，将咁多层唔同嘅食物一次过咁食，首先佢底层有一个饼底，然后中间应该系用蟹肉堆砌出嚟，上面仲有芒果，味道丰富得来好清新，老板仲话呢个蟹肉拿破仑系佢哋首创，出面应该系食唔到，不过我都真系冇喺出
睇嚟又有新餐厅开张
上星期经过见到已经开咗
咁就book左今日坐低试吓
餐厅嘅老板好Nice
呢啲真系名副其实嘅小店
而家都已经绝无仅有
一个人做晒楼面厨房洗碗
𠮶份对食物嘅执著同埋心意
而家已经唔能够咁容易揾到❤️
特式沙律 - 喺出面食西餐，通常前菜都会有沙律，不过好多时候都系求其比两块菜，但系呢度嘅沙律好好味，就连我呢个平时唔钟意食蔬菜沙律嘅都清左，不过佢哋整嘅蔬菜沙律有少少辣，入面除咗有蔬菜之外，仲有好多唔同嘅配料，个酱汁仲好好味，不过由于佢只系一份前菜，我就冇去考究佢嘅酱汁
海鲜盘 - 以呢个价钱去食，仲可以食到咁丰富嘅海鲜盘，真系有啲惊讶，不过有啲海鲜应该系时令嘅，我食嘅时候，有一只刀圣旨，听佢讲系喺泰国坐飞机返嚟，不过唔系成日有，肉质鲜甜有质感
蟹饼 - 本来我以为佢哋都系求其整个好似 outback𠮶啲咁嘅蟹饼，但老板后来出嚟同我讲，呢个蟹饼应该系叫做蟹肉拿破仑，因为系要好似拿破仑咁，将咁多层唔同嘅食物一次过咁食，首先佢底层有一个饼底，然后中间应该系用蟹肉堆砌出嚟，上面仲有芒果，味道丰富得来好清新，老板仲话呢个蟹肉拿破仑系佢哋首创，出面应该系食唔到，不过我都真系冇喺出边食过，呢个蟹饼都几有创意
特色西汤 - 呢个系龙虾南瓜汤，本身我都钟意浓既西汤，呢一碗嘅质感就啱晒我心水，我而且味道丰富，有龙虾汤嘅感觉之余
主菜 - 今晚嘅主菜系威灵顿牛柳，喺澳洲牛柳外面包上一层酥皮，然后再焗，相信好多人其实都知道威灵顿牛柳系乜嘢，但其实我都系食过几次，相比之下我觉得呢度嘅威灵顿牛柳嘅酥皮嘅香味比较好，以牛柳嘅牛味亦都好足够，我但重点威灵顿牛柳系在于厨师控制个火候，我觉得呢个系非常满意嘅，因为好多时候一唔小心就会令到牛柳Overcooked，而且佢哋拣嘅牛喺脂肪同埋肉嘅比例上面都系唔错，令到𠮶种香味更加浓郁
特式意粉 - 今晚呢度嘅意粉系黑松露杂菌蟹肉意粉，虽然你餐饭食到差唔多尾声已经好饱，但系完全冇咁我对呢盘意粉嘅热情同埋喜爱，我老板同我哋讲呢只意大利粉系喺意大利过嚟，我都食得出呢只意大利粉同我哋平时食𠮶啲意大利粉系有分别，个质感比较有咬口
总结黎讲，成日都有新餐厅开，但系呢到食野，你会感受到做食物既人对食物既热情同坚持，亦都好少会系而家既连锁店揾到，就算小店都唔系间间有呢种人情味
张贴
