古月

营业中

休息中

又係太夜食飯嘅關係，所以choices 少左。係呢條街有好多間黄店，所以夜咗都仲係好多店排滿咗長龍，呢一間相對少啲人排隊(應該因為turnover 比較快)，所以我哋就入咗去食。然後發現佢唔止係黄店米豬連，仲係真正米芝蓮推介！佢間店細細地，係食馬來西亞菜，牆上好多明星幫襯嘅相同馬來西亞/新加坡有關嘅壁畫，我地本來係想食肉骨茶，點知因為太夜肉骨茶已經sold out... 最後我叫左呢個鴨肉鹵水麵，個湯睇上去好深色，但唔會好鹹，係完全可以飲嘅湯，而且幾好味。但個麵因為比較唔掛湯嘅質地，所以唔夠入味。另外個名唔係叫海南雞飯但實際上係海南雞飯嘅飯，幾好食，雞都滑嘅。跟住呢個係一個辣醬拌麵，佢最中間嗰度有啲辣醬，雖然唔係好多，但應該係啲乾辣椒整成嘅，所以好少就已經好辣，所以應該係咁佢會配個湯比你嘅。overall啲食物都唔錯嘅，價錢都唔算好貴啦，下次可以再嚟試一試d肉骨茶。