Burger Home (已結業)

前几日收工后经过见到开咗间新汉堡包店，第二日lunch就约埋d同事一齐嚟试吓。原来同事认得呢间铺原本喺IVE附近，而家细铺搬大铺。好彩我地食饭时间比较早，所以去到𠮶时只系得一、两张枱有人坐，仲有大把座位可以选择，到我地食饱走人𠮶时已经爆晒场。睇完餐牌发现只系指定几款包有优惠套餐，如果想食其他包就要单买一个包再加$20转套餐，咁就可以加埋薯条同埋饮品。而且呢间汉保店竟然有素牛，方便一班人嚟聚餐有素食者都唔怕。磨菇手打牛肉汉堡 $47 + $20转套餐奇脆芝士鱼柳包 $36 + $20转套餐下面呢个就系超级推荐嘅奇脆芝士鱼柳包，又平又好味，鱼柳好大件，外脆内软芝士猪柳汉堡 $29 + $20转套餐芝士手打牛肉汉堡 $47呢个味道个人觉得普通D薯条都好大份，我地4个日只系转咗3个做套餐，大家share食都够晒。另外呢到有个酱料阁，可以自行添加茄汁同埋芥末酱等等。